啲人成日話如果摸唔到狗狗既背脊骨,就有減肥既須要。

雖然我有個花名叫肥妹, 又成日好似金魚甘食極都唔知飽 (最多係之後嘔), 但姐姐話我條背脊骨重好明顯, 又跑得快到好似馬交啲跑狗甘, 所以, 一啲都唔須要on diet。

但今日姐姐見到我坐左係個cushion上，就係甘笑我肥妹，話我坐到個cushion都側埋一邊，重叫哥哥即刻要幫我影相。

做咩之前又話我唔肥，依家又話我好肥呀？女人真係善變。

我好鍾意食榴槤，一聞到陣味，就會極度亢奮。

雖然是高糖分食物，但間唔中食少少都無況。

姐姐由幾個月前開始，成日都指住自己個肚bowl，話有個bb係入面，叫我要鍚佢同保護佢，我由最初都唔知姐姐講咩，到依家都會俾下面望下佢個bowl bowl，但等左甘耐都未見姐姐所講既bb出現。

今日哥哥拎左張叫carseat既東西出黎，話終於差唔多時候要安裝，同要學下點樣放bb係張carseat上，所以順利成章就搵我試坐。

睇下我個樣幾爽，我都幾鍾意張carseat！

６個月前發現背骨有問題（http://yimvivian.mysinablog.com/index.php?op=ViewArticle&articleId=699960），醫治左一排，我又回復返一貫既我，跑跑跳跳。之後都要每６個月返去醫生度打一個cycle既針（每星期一次，連續４個星期），就冇問題。

姐姐話我好似機械人，每隔一段時間就要去唧油做維修，今個３月又係我既維修時間。

我最怕睇醫生，去個程我已經sense到好唔妥，平時出街，我一定會企係個窗前周圍望，但去睇醫生，就一點心情都冇，成個車程只係出奇地乖甘坐係姐姐既身邊。

去到診所就更加唔洗講，相片為証，驚到眼突兼狂搵靠山。

幾大隻眼!

右邊係駐診所既毛毛, 我當時好驚, 冇心情同佢玩, 剩係想快啲搵哥哥保護我。

睇下我對手就知我有幾驚。

Three dog bakery 一直都係姐姐既非佛，佢去親美國同日本都會買黎俾我做手信，今日我又收到一大袋TDB既禮物，不過，今次唔係姐姐買，而係另一個aunt送。

TDB係香港開左兩個分店，其中一間ｏ係這個aunt家附近，她就給我送了一大袋各種味道的餅乾。

嘩！好靚呀！我未食呀，食完話你知好唔好味。

Kung hei kung hei! 祝大家鼠年身體健康，食得訓得，日日都好似我甘笑口常開。

今年新年我冇出街拜年，因為姐姐話太多人，驚我去到個親戚屋企會俾人踩扁。但個個都好有我心，冇見到我真人（狗），都自動自覺俾利是我，你地真係抵錫。

姐姐話過兩曰，暖返ｄ同有陽光，我地就向西貢出發，行個大運，yeah!

又係一年一度本小姐冬眠既時間。

冬眠3寶：kitty被，fleece衫及一個大cushion。

雖然我成身係毛，但我真係好怕涷。

上星期六一起身，我已經涷到打晒泠震，姐姐話只有7度，即我住既地方再低兩度，真係好涷呀！涷到我牙關打震，嚴三話我誇張，成個drama queen甘，但里ｄ野邊度有得扮。

一涷我就盡量小郁為妙。去廁所都係等到忍無可忍先急急腳去，急急腳返番去個張被度，唔食foodfood同飲好少水。

姐姐見我食甘少野，都忍唔住逐粒逐粒餵我食糧（被縱壞既表現！）。

我屋企黎左個新姐姐，佢由朝到黑都係我屋企做野。

我係家中既security，身負重任，每日都好忙要望實新姐姐既一舉一動。

平時一日訓足20小時既我，就真係冇覺好訓。

特別係我由早上11時至下午4時既黃金訓覺時間，里個姐姐最鍾意行來行去，整東整西，我又點可以好好甘訓餐飽。

我依家日間既時間通常都成日釣魚，到左夜晚食飽飯就自己早ｄ入房訓，如果唔係第二日就冇精神繼續做我既security。

眼朦朦拎住個波。

PUFFY發呆中:里個圓碌碌既係咩黎？

發呆。

好眼訓呀！

未到聖誕, 姐姐已經送左禮物俾我啦!